Sahibsiz çamadan uçan reysin ləngiməsinə səbəb olub

Qahirə Beynəlxalq Aeroportunda “Egyptair” aviaşirkətinin reysində aşkar edilən sahibsiz çamadan bu şirkətin Parisə uçuşa hazırlaşan təyyarəsinin ləngidilməsinə səbəb olub.

Avtosfer.az xəbər verir ki, bu barədə “Al-Masr-al-Youm” internet nəşri təhlükəsizlik xidmətindəki mənbələrinə istinadla bildirir ki, təyyarədə olan sərnişinlərin heç birinə məxsus olmayan çamadanın aşkar edilməsindən sonra reysi ləngitmək, baqaj və sərnişinlərin əlavə yoxlanmasını keçirmək qərara alınıb. Diqqətli yoxlamadan sonra reysin uçuşa hazır olduğu elan edilib.