Sankt-Peterburqdan Bakıya aviareyslərin sayı artır

Rusiyanın “Uralskiye avialinii” aviaşirkəti may ayının sonlarından etibarən Sankt-Peterburq - Bakı reysi ilə uçuşlar həyata keçirməyə başlayacaq. Avtosfer.az xəbər verir ki, bu barədə Trend-in şirkətə istinadən verdiyi məlumata görə, birinci reys mayın 27-si baş tutacaq. Uçuşlar həftədə iki dəfə - cümə axşamı və şənbə günləri həyata keçiriləcək. Qeyd edək ki, “Uralskiye avialinii” bu marşrut üzrə uçuşların həyata keçirilməsi üçün icazəni bu ilin fevralında əldə etmişdi.