Səhər saatlarında yollarda olan sıxlığın səbəbi nədir? AÇIQLAMA

“Səhər saatlarında paytaxt yollarının şaxta səbəbindən sürüşkən olmasına baxmayaraq, heç bir problem qeydə alınmayıb. Yollarda sadəcə olaraq bir qədər sıxlıq müşahidə olunub”. Avtosfer.az xəbər verir ki, bu barədə açıqlamasında Bakı Nəqliyyat Agentliyinin İctimaiyyətlə əlaqələr şöbəsinin sektor müdiri Mais Ağayev deyib. O qeyd edib ki, səhər saatlarında müşahidə olunan sıxlığın səbəbi sürücülərin avtomobilləri ehtiyyatla idarə etməsi olub: “Hava limanı istiqamətində olan yollarda dünən gündüz saatlarında sürət həddi 20 km/saat azaldılmışdı. Gecə saatlarında yollar daha çox buzlaşdığına görə sürət həddi daha 20 km/saat aşağı salınıb. Hazırda aşağı salınan 40 km/saat sürət həddi tam bərpa olunub. Paytaxt yollarında vəziyyət normalıdır”.