“Semaşko”nun travmatoloqu sükan arxasında öldü

Azərbaycanda həkim sükan arxasında vəfat edib. Avtosfer.az-ın “Report”a istinadən xəbərinə görə, hadisə ötən gecə Bakı şəhərində baş verib. Belə ki, 1 saylı Kliniki Tibbi Mərkəzin (“Semaşko”) travmatoloqu, Azərbaycan Tibb Universitetinin (ATU) müəllimi və ATU-nun İkinci Müalicə-profilaktika fakültəsinin qrup Həmkarlar İttifaqının sədri, 50 yaşlı Fikrət Vəliyev avtomobilini idarə edərkən qəfil qıcolma keçirib. O, avtomobilində dünyasını dəyişib. F.Vəliyevin ölümünün dəqiq səbəblərinin öyrənilməsi üçün meyiti ekspertlər tərəfindən müayinə olunub.