Sərhəddə yığılmış 8 mindən çox vaqonun boşaldılması ilə bağlı razılığa gəlinib

Daşkənddə “Qazaxıstan Temir Jolu” SC və “Özbəkistan Temir Yullari” SC-nin nümayəndə heyətləri arasında işgüzar görüş keçirilib.
Avtosfer.az “Rail-news.kz” saytına istinadla xəbər verir ki, nümayəndə heyətləri dörd gün ərzində “Özbəkistan Temir Yullari” SC-nin ayrı-ayrı istiqamətlərində və stansiyalarında yaranmış yüklənmə ilə bağlı məsələləri ətraflı şəkildə müzakirə ediblər.
Görüş zamanı 2025-ci ilin ilk on ayı üzrə daşımaların nəticələri qeyd olunub. Bildirilib ki, Qazaxıstan və Özbəkistan arasında yükdaşımanın həcmi 22,9 milyon ton təşkil edib ki, bu da ötən ilin müvafiq dövrü ilə müqayisədə 21 faiz çoxdur.
Kütləvi daşımaların başladığı mövsüm “Qazaxıstan Temir Jolu” SC üçün çətinliklər yaradıb. Sərhəddəki Sarıağaş dövlətlərarası qovşaq nöqtəsi (DQN) istiqamətində yüklə dolu səkkiz mindən çox vaqon toplanıb.
Özbəkistan tərəfi özəl vaqon parkının nəzərdə tutulan normanı təxminən altı min vaqon üstələyərək əhəmiyyətli dərəcədə artdığını bildirib. Artan vaqon axını səbəbindən çətinlik müşahidə olunan on dörd stansiya müəyyən edilib.
Qatar mübadiləsinin sabitləşdirilməsi üçün Özbəkistan tərəfi istiqamətlər üzrə müəyyən olunmuş həcm və yük nomenklaturasına əməl olunmasını, həmçinin vaqon axınlarının Sarıağaş dövlətlərarası qovşaq nöqtəsindən Oazis DQN-ə yenidən yönləndirilməsini təklif edib.
Bundan başqa, noyabrın əvvəlində tikintisinə başlanılan Ok Kuprik stansiyasında yeni dəmir yolu xətti istismara verilib. Yeni mərhələnin əsas hadisəsi Qazaxıstandan yeni xətlə ilk yük qatarının gəlməsi olub.
İlham Əliyevin sosial şəbəkə hesablarına kiberhücumlar müşahidə olunur
Prezident İlham Əliyev televiziya və radio işçilərini təbrik edib
Prezident İlham Əliyev Mahmud Abbası təbrik edib
“Kəndlərdə əkin-biçin sahəsi qalmayıb, hamısı...” – Ekspert tıxacların səbəbindən danışdı
ABŞ və müttəfiqləri Çinin Yaxın Şərqdəki məsələlərdə vasitəçi olmasını niyə istəmir? – POLİTOLOQ
Prezident İlham Əliyevin İrlandiyaya işgüzar səfəri başa çatıb
Braziliyada rus dizelinə maraq göstərilmədi
Dublin görüşünün pərdəarxası: Bakı və İrəvan hansı razılaşmalara yaxınlaşır? - RƏY
Avropa ilə yeni əməkdaşlıq, Ermənistanla sülh: Dublində nələr müzakirə olundu? – AÇIQLAMA
Azərbaycanın qaz ixracında yeni hədəf: Avropaya nə qədər qaz satılacaq?
Britaniya ilə əməkdaşlıqda yeni hədəflər: Azərbaycan Avrasiyanın tranzit mərkəzinə çevrilir? – ŞƏRH












