Sərnişin təyyarəsi məcburi eniş edib

Rusiyanın Yakutsk şəhərində təyyarə məcburi eniş edib. Avtosfer.az Rusiya mətbuatına istinadən xəbər verir ki, Yakutsk-Xabarovsk reysini həyata keçirən “Sukhoi Superjet-100 ” təyyarəsi havaya qalxdıqdan sonra geri dönməli olub.

Məlumata görə, məcburi eniş şassinin nasazlığı ucbatından baş verib. Təyyarənin göyərtəsində 96 sərnişinin olduğu bildirilir. Hadisə nəticəsində zərərçəkən yoxdur. İnsidentin araşdırılması məqsədi ilə  “Yakutiya” aviaşirkətində xüsusi komissiya yaradılıb.