Sərnişinlər bu avtobusun fəaliyyətindən narazıdır - VİDEO

Binəqədi - Gənclik istiqamətində hərəkət edən 133 saylı avtobusların fəaliyyətindən narazılıq var. Bəzi sərnişinlər kondisionerlərin işləmədiyini, avtobusların köhnə olduğunu və aradakı intervalın çox olduğunu deyirlər. 133 saylı marşrut avtobuslarının sürücüləri isə bildirdilər ki, aradakı interval 7 dəqiqədir, kondisionerlər isə xarab olduğu təqdirdə düzəldilir.

Məsələ ilə bağlı Azərbaycan Yerüstü Nəqliyyat Agentliyindən bildirildi ki, "Çinar Trans" MMC-nin müvəqqəti istismarında olan və “Gənclik" metrostansiyasını "Binəqədi" qəsəbəsi ilə əlaqələndirən 133 nömrəli marşrutda 15 avtobus 7-8 dəqiqə hərəkət intervalı ilə fəaliyyət göstərir. Günün pik saatlarında paytaxt yollarında yaranan nəqliyyat sıxlığı avtobuslararası intervalın pozulmasına gətirib çıxarır. Marşrut üzrə cəmi 1 avtobusda soyutma sistemi işləmədiyindən təmir üçün depoya göndərilib.

Ətraflı videomaterialda.