"Silk Way West Airlines" Sinqapura uçuşlara başlayıb

“Silk Way West Airlines” şirkəti Sinqapura birbaşa müntəzəm uçuşlara başlayıb. Avtosfer.az xəbər verir ki, bu barədə Aviaşirkətin mətbuat xidmətindən “Report”a bildirilib ki, uçuşlar həftədə iki dəfə “Boeing-747-8F” yük təyyarəsi ilə yerinə yetiriləcək və dünyanın başqa istiqamətlərinə həyata keçirilən reyslərlə birləşəcək.

Qeyd edək ki, “Silk Way West Airlines” Azərbaycan Mülki Aviasiya Administrasiyası tərəfindən istismarçı sertifikatını alaraq 2012-ci il iyunun 19-da fəaliyyətə başlayıb. Hazırda aviaşirkətin hava gəmiləri parkına 3 ədəd “V747-8F” və 2 ədəd “V747-400F” təyyarə daxildir. 

Bu ilin III rübündə daha bir “V747-8F” təyyarəsinin gətirilməsi gözlənilir ki, bundan sonra aviaşirkətin balansındakı təyyarələrin ümumi sayı 6-ya yüksələcək. Yeni avialaynerin tədarük edilməsi aviaşirkətə ABŞ-da yeni istiqamətlər daxil olmaqla uçuşların coğrafiyasını daha da genişləndirmək imkanı verəcək.