Siqaret çəkilməsinə görə sahibkarlar cəzalandırılacaq - VİDEO

Siqaret çəkilməsinə görə sahibkarlar cəzalandırılacaq. Tütün məmulatlarından istifadənin daha da məhdudlaşdırılması ilə bağlı qanun layihəsinin hazırlanacaq. Çünki mövcud qanunvericiliyə görə bir çox qapalı ictimai yerdə tətbiq edilən siqaret qadağasını çəkənlər sadə üsullarla aşır. Məsələn həmin yerlərin qapısının ağzında siqaret çəkir. Hətta təhsil müəssisələrinin yaxınında.

Qadağanı kəskin şəkildə tətbiq edən bir çox ölkədə siqaret, məktəb və universitetlər başda olmaqla ictimai yerlər və iaşə obyektlərindən azı 200 metr aralıda çəkilə bilər. Hətta bəzi ölkələr bu qadağanı hava limanında da tətbiq edirlər. Bu təcrübədən bizdə də istifadə olunacaq. Polis, bu halla qarşılaşdıqda həm istifədəçiyə, həm də sahibkara cərimə tətbiq edəcək.

Statistikaya görə ölkədə əhalinin 40-60 faizi siqaret çəkir. Fuad Muradovun sözlərinə görə cərimələrin miqdarının artırılması da təklif edilir. Artıq bütün detallar hazırdır. Lahiyə, Milli Məclisinin plenar iclasında təqdim olunacaq.