"Sumqayıt Nəqliyyat Təchizat"ın səhmdarlarının yığıncağının vaxtı dəyişdirilib

"Sumqayıt Nəqliyyat Təchizat" ASC-nin səhmdarlarının sentyabrın 30-na nəzərdə tutulmuş növbədənkənar ümumi yığıncağının vaxtı dəyişdirilib. Avtosfer.az xəbər verir ki, yığıncaq noyabrın 11-də, saat 10:00-da baş tutacaq.

İclasın gündəliyinə müəssisəyə yeni İdarə Heyətinin seçilməsi, eləcə də cari məsələlər daxildir.

Ümumi yığıncaq ASC-nin Sumqayıt şəhəri, Hacı Zeynalabdin Tağıyev qəsəbəsində yerləşən inzibati binasında keçiriləcək. 

Xatırladaq ki, "Sumqayıt Nəqliyyat Təchizat" 2004-cü ildə yaradılıb. Onun nizamnamə kapitalı 75 512 manatdır.