Sumqayıtda ev və velosiped oğruları tutuldu - VİDEO

Sumqayıtda mənzilləri qarət edən şəxs saxlanılıb. Avtosfer.az-ın məlumatına görə, polis əməkdaşlarının həyata keçirdikləri əməliyyat-axtarış tədbirləri nəticəsində bu cinayətləri törətməkdə təqsirli bilinən Sumqayıt şəhər sakini, əvvəllər məhkum olunmuş Məzahir Əliyev saxlanılıb. Araşdırma zamanı məlum olub ki, saxlanılan şəxs bu ilin aprel ayından başlayaraq, Sumqayıt şəhəri Yaşıldərə bağlar massivində mənzillərdən dəyəri 15 min manata yaxın qızıl və 16 min manat pul oğurlayıb.

Sumqayıt polisi tərəfindən saxlanılan digər bir şəxs isə velosiped oğrusudur. Araşdırma zamanı saxlanılan Natiq Əliyevin şəhər ərazisində 7 velosiped oğurladığı məlum olub.

Saxlanılan hər iki şəxs barəsində ətraflı araşdırma aparılır.