Sumqayıtda köşk sahibi səkini zəbt edib - Soyuducuları dayanacağa düzüb - VİDEO

Sumqayıt şəhəri, Bakı küçəsində xoşagəlməz mənzərə hökm sürür.

Bu barədə izləyicilərdən biri Avtosfer.az-ın “Whatsapp” səhifəsinə videomaterial göndərib. Sözügedən ərazidəki səki köşkə məxsus soyuducular tərəfindən zəbt olunub. Belə ki, soyuducuları səkiyə düzən sahibkar bununla kifayətlənməyərək dayanacağın bir hissəsini də özəlləşdirib.

Nəticədə sərnişinlərin yarısı dayanacaqdan kənarda dayanaraq avtobus gözləyirlər. Şikayətçi, xüsusilə əlverişsiz hava şəraitində sərnişinlərin əziyyət çəkdiyini bildirib. İzləyicinin sözlərinə görə, vətəndaşların kütləvi narazılığına baxmayaraq sahibkar öz “fəaliyyət”indədir.

Ümid edirik ki, bu barədə müvafiq qurumlar qısa zamanda tədbir görəcək.

Nərmin