“Suraxanı Avtomotoservis”in mənfəəti bölüşdürüləcək

Mayın 15-də, saat 12:00-da “Suraxanı Avtomotoservis” ASC-nin səhmdarlarının növbəti ümumi yığıncağı keçiriləcək. Avtosfer.az “Report”a istinadən xəbər verir ki, bu barədə rəsmi mətbuatda məlumat verilib. Məlumatda deyilir ki, yığıncaq Bakı şəhəri, Suraxanı rayonu, E.Bəkirli küçəsi, 4041-ci məhəllədə olacaq. Yığıncağın gündəliyinə müəssisənin 2016-cı ilin yekunları üzrə təftiş komissiyasının hesabatının dinlənilməsi, balans mənfəətinin bölüşdürülməsi, illik hesabatının təsdiqi, baş direktorun hesabatının dinlənilməsi, yeni baş direktorun seçilməsi məsələləri daxildir. Xatırladaq ki, “Suraxanı Avtomotoservis”ASC 2004-cü ildə yaradılıb. Onun nizamnamə kapitalı 123 906 manatdır.