Sürücü avtomobili Ramazan bayramını qeyd edən insanların üzərinə sürdü - VİDEO

Britaniyanın Nyukasl şəhərində naməlum şəxsin avtomobili Ramazan bayramını qeyd edən insan kütləsinin üzərinə sürməsi nəticəsində 5 nəfər xəsarət alıb. Avtosfer.az "Report"a istinadən xəbər verir ki, bu barədə "Daily Star" nəşri yazıb. Hadisə yerinə xilasedicilər, polis və "təcili yardım" əməkdaşları cəlb olunub. Sonuncular altı nəfərin xəsarət aldığını və onların arasında üç uşağın olduğunu bildiriblər. Faktla bağlı 42 yaşlı qadın saxlanılıb. Hüquq-mühafizə orqanları hadisənin terror aktı kimi qiymətləndirilmədiyini və araşdırma aparıldığını bildirib.