Sürücü piyada keçidindən keçən kişi və qadını döydü

Bakının Sabunçu rayonunda iki piyadanın döyülməsi ilə nəticələnən insident baş verib. Avtosfer.az-ın "Report"a istinadən xəbərinə görə, Bakıxanov qəsəbəsində piyada keçidindən keçən Abıyeva Lətafət və 30 yaşlı Quliyev Elvin Habil oğlu həmin küçə ilə hərəkətdə olan avtomobillərdən birinin sürücüsü tərəfindən təhqir olununb. L.Abıyeva sürücüyə cavab qaytardıqda isə avtomobildən enən iki şəxs qadına yaxınlaşaraq onu itələyib və yerə yıxıb. E.Quliyevin isə baş və bədən nahiyələrinə ağır xəsarət yetirilib. Hər iki şəxs xəstəxanaya yerləşdirilib.