Sürücülərə şad xəbər: Bu yol açılır

Xocalı soyqırımının ildönümündə keçiriləcək tədbirlərlə bağlı paytaxtın Yusif Səfərov küçəsindəki təmir işləri sürətləndirilib. Avtosfer.az xəbər verir ki, bu barədə trend-in sorğusuna cavab olaraq Azəravtoyol Açıq Səhmdar Cəmiyyətinin mətbuat xidmətinin rəhbəri Anar Nəcəfli məlumat verib. Qurum sözçüsü bildirib ki, həmin ərazidə yolda artıq söküntü və tikinti işləri yekunlaşıb: "Xocalı soyqırımının 25-ci ildönümündə keçiriləcək tədbirlərlə əlaqədar olaraq həmin ərazidə işlər tamamlanır. Yolda təmirə bağlanan hissə fevralın 25-də tam olaraq açılacaq və əhalinin abidəni ziyarət etməsinə şərait yaradılacaq". A.Nəcəfli bildirib ki, yolda asfaltlanma işləri aparılsa da, hələ tam yekunlaşmayıb: "Sonuncu asfalt qatı hələ vurulmayıb. Gələn həftədən etibarən işlər davam etdiriləcək".