Sürücülərə xəbərdarlıq: Bu yollar bağlandı

Bu gün Bakı şəhərinin bir neçə əsas prospektində nəqliyyatın hərəkəti məhdudlaşdırılıb. Nəqliyyatı İntellektual İdarəetmə Mərkəzindən Avtosfer.az-a verilən məlumata görə, Alfred Nobel prospektində Asan Xidmətin qarşısı, Bülbül prospekti, İstiqlaliyyət küçəsi, Üzeyir Hacıbəyov, Əziz Əliyev, Şeyx Şamil küçəsi, Mikayıl Useynov prospekti Azneft dairəsi, habelə Neftçilər prospekti, Əfzələddin Xaqani küçəsi, Ceyhun Səlimov küçəsi, Hərbi hospitalın yanı, Azadlıq prospektində avtomobillərin hərəkəti məhdudlaşdırılıb.

Bundan başqa, Ziya Bünaydov prospektində (hər iki istiqamətdə), Bakı-Sumqayıt şosesində (Bakı Beynəlxalq Avtovağzal Kompleksinin qarşısı, paytaxta doğru), habelə Qara Qarayev prospektində ("Koroğlu" metro stansiyası istiqamətində), A.Bakıxanov küçəsində, Koroğlu Rəhimov küçəsində, Yusif Səfərov küçəsi və Binəqədi şosesində avtomobillərin hərəkətində sıxlıq yaranıb.