Sürücülərin nəzərinə - FOTO

Mehdiabad-Digah-Məmmədli avtomobil yolunun Zabrat-Kürdəxanı yolu ilə Məmmədli qəsəbəsi arasında yerləşən hissəsində avtonəqliyyat vasitələrinin hərəkəti məhdudlaşdırılır.  "Azəravtoyo" ASC-dən verilən məlumata görə, həmin ərazidə mayın 19-da səhər saatlarından təmir-tikinti işlərinə başlanılıcaq. Məhdudlaşdıra təqribən yolun 2 km-lik sahəsini əhatə edir və işlər bitənədək qüvvədə saxlanılacaq. Vətəndaşların rahat gediş-gəlişini təmin etmək məqsədi ilə Mehdiabad-Digah-Məmmədli avtomobil yolunun Zabrat-Kürdəxanı yolu ilə Məmmədli qəsəbəsi arasında yerləşən hissəsində aparılan təmir-tikinti işlərinin qısa müddətə aparılaraq yekunlaşdırılması planlaşdırılır. Növbəti mərhələdə sözügedən avtomobil yolunun Məmmədli və Digah qəsəbələri arasında yerləşən hissəsində işlər davam etdiriləcək.

Sürücülərdən aparılan işlərə anlayışla yanaşmaları xahiş olunur və qəsəbədaxili digər alternativ yolardan istifadə etmələri tövsiyyə olunur.

Emin