
Sürücülük vəsiqəsi alan qadınların sayı artıb - Azərbaycanda
Gündəm
26 Avqust 2016 11:15
Oxunub 1132

Son beş ildə onların ümumi sayda payı 4 faizdən 5,9 faizə yüksəlib
Azərbaycanda nəqliyyat vasitələrinin idarə olunması üçün sürücülük vəsiqəsi alanlar arasında qadınların sayı son beş ildə 4 faizdən 5,9 faizə qədər artıb.
Dövlət Statistika Komitəsindən Avtosfer.az-a verilən məlumata görə, ötən il sürücülük vəsiqəsi alan 144 672 nəfərdən 8 521 nəfəri (5,9 faizi) qadınlar olub.
2010-cu ildə sürücülük vəsiqəsi alan qadınların sayı 5 650 nəfər idi.
Son beş ildə qadınlar ən çox sürücülük vəsiqəsini 2013-cü ildə əldə ediblər. Həmin il vəsiqə əldə edən qadınların sayı 11 166 nəfər olub.
Son beş ildə kişilər arasında daha çox sürücülük vəsiqəsi də 2013-cü ildə (237 231 nəfər) alınıb.
ŞƏRH YAZ
DİGƏR XƏBƏRLƏR