Sürücülük vəsiqəsi imtahanları DİM tərəfindən keçirilə bilərmi? - AÇIQLAMA

"Sürücülük vəsiqəsi imtahanı Dövlət İmtahan Mərkəzi (DİM) tərəfindən keçirilməyəcək".

Avtosfer.az xəbər verir ki, bu sözləri DİM-in İdarə Heyətinin sədri Məleykə Abbaszadə Azərbaycan dili üzrə sertifikasiya imtahanının onlayn platformasının təqdimatına həsr olunan tədbir zamanı jurnalistlərə açıqlamasında deyib.

O qeyd edib ki, DİM, sadəcə, taksi və yük avtomobili sürücüləri üçün imtahan keçirir:

"Bu tapşırıqları bizə Nazirlər Kabineti verir, hansı tapşırıqlar verilirsə, biz onu icra edirik".