Sürücüsüz ilk avtobuslar xəttə buraxılıb - FOTO

ABŞ-ın Neşnel-Harbor şəhərində 3D printer vasitəsilə çap olunmuş ilk Olli robot-avtobusları xəttə buraxılıb. Avtosfer.az “Buro247”yə istinadən xəbər verir ki, Local Motors şirkətinin istehsalı olan mikroavtobuslar 12 nəfər üçün nəzərdə tutulub. Robot-avtobus elektriklə çalışır və "ağıllı" IBM Watson proqramı ilə təchiz edilib. Nəqliyyat vasitəsinin idarə olunması üçün sürücüyə ehtiyac yoxdur. Avtobusu mobil tətbiqetmənin köməyilə çağırmaq mümkündür. Artıq ABŞ-ın Neşnel-Harbor şəhərin 10 Olli avtobusu xəttə buraxılıb. İlin sonunda isə şirkət Mayami-Deyd və Las-Veqasda da robot-avtobusları təqdim etmək niyyətindədir.