Şüşəsi açıq avtomobildən 29 min manat və 10 min dolları oğurlandı - Binəqədidə

Bakıda avtomobildən oğurluq olub. Avtosfer.az “Report”a isitnadən xəbər verir ki, Binəqədi rayonu, C.Xəndan küçəsi 60 ünvanının qarşısında dayanacaqda 1968-ci il təvəllüdlü Bəxtiyar Mahmudova məxsus “Subaru” markalı avtomobildən külli məbləğdə pul oğurlanıb.

Belə ki, naməlum şəxs əlini açıq yan şüşədən salmaqla avtomobildə olan 29 min manat və 10 min ABŞ dolları oğurlayıb.

Polis faktla bağlı araşdırma aparır.