“Synergy Baku” klubu qalib oldu - FOTO

Ənənəvi “Tour d'Azerbaidjan” beynəlxalq velosiped turuna yekun vurulub. "Synergy Baku” klubu komanda hesabında turun qalibi olub. Bu, Azərbaycan təmsilçisinin veloturda ardıcıl ikinci qələbəsidir. Komandamız ötən il də “Tour d'Azerbaidjan”-ın qalibi olmuşdu. “Synergy Baku”-nun heyətində Elçin Əsədov, Maksim Averin, Matiya Kvasina, Matey Muqerli, Kirill Pozdnyakov və İoannis Tamuridis çıxış ediblər.

Xatırladaq ki, mayın 4-də Bakının Bayraq meydanından start götürən veloturda 19 ölkədən 21 komanda iştirak edib. Onlardan 6-sı pro-kontinental, “Synergy Baku” da daxil olmaqla 14-ü kontinental, 1-i isə milli komandadır.