Taekvondoçumuz Olimpiya çempionu olub tarix yazdı - Yenilənib

Rio-2016 Olimpiya Oyunlarında taekvondo yarışları da davam edir. Bu gün taekvondo yığmamızın sonuncu üzvü də mübarizəyə qoşulacaq.

80 kq çəki dərəcəsində dünya və Avropa çempionumuz Radik İsayev yarışa başlayacaq. O, 1/8 final mərhələsindən mübarizəyə start verəcək.

İdmançımızın ilk rəqibi qazaxıstanlı Ruslan Japarovdur. Qarşılaşma saat 19:45-də start götürəcək.

***

Radik İsayev rəqibinə 11:2 hesabı ilə qələbə qazandı.

***

Radik İsayev Dongmin Ça (Cənubi Koreya) ilə mübarizə apararaq yarımfinal mərhələsinə keçir. 

***

Radik İsayev yarımfinalda qalib gəlir və Azərbaycan taekvando tarixinə Olimpiya oyunlarında finala vəsiqə qazanmış ilk idmançı kimi düşür.

 ***

Final görüşü saat 05:15-də olacaq. İsayevin rəqibisi isə nigerli İssoufou Alfaga Abdoulrazakdır.

***

Radik İsayev finalda nigerli İssoufou Alfaga Abdoulrazakı məğlub edərək Olimpiya çempionu olur. İsayev həm də Olimpiya çempionu olan ilk Azərbaycan taekvandoçusu kimi tarixə düşdü.