Taksi sürücüləri etiraz aksiyası keçirdi

İngiltərədə taksi sürücüləri etiraz aksiyası keçirib. Avtosfer.az xəbər verir ki, Nəqliyyat İdarəsinin qərarlarına etiraz edən narazı kütlə, Londonda mərkəzi yolu bağlayıb. Onların sözlərinə görə, qurumun  yeni qərarları taksi fəaliyyəti sahəsində sərbəstlik yaradıb. Bu bəzi sürücülərin vergi ödəmədən fəaliyyət göstərməsi deməkdir. 

Etirazçılar parlament binası ilə tarixi "Trafalqar" meydanını birləşdirən magistralda avtomobillərini yavaş sürətlə idarə edərək, narazalığını ifadə ediblər. Onların iddiasına görə, yeni qaydalar nəticəsində lisenziyası olmayan sürücülər də taksi fəaliyyəti ilə məşğul olur. Bu da sərnişinləri həyatı üçün təhlükə deməkdir. Asayiş keşikçilərinin nəzarəti altında keçirilən etiraz aksiyası zamanı insident qeydə alınmayıb.