Tanınmış müğənni qəzaya düşdü - FOTO

Türkiyənin tanınmış müğənnisi Sıla Gençoğlu avtomobil qəzası keçirib. Lent.az-ın Türkiyə mediasına istinadən verdiyi məlumata görə, ifaçının sürücüsü 34 ZG 1593 dövlət seriyalı avtomobili ilə Ankara istiqamətində hərəkət edərkən qəza törədib. Qəza zamanı maşında müğənnidən savayı Hande Kızıl və Büşra Sarıkaya yaralanıb. Sıla isə təcili yardım maşını ilə xəstəxanaya yerləşdirilib. Həkimlər ilkin yardımdan sonra müğənninin vəziyyətinin yaxşı olduğu bildiriblər.  

Qeyd edək ki, hadisə TEM yolunun Hendek massivində baş verib.