Tanışının avtomobilini qaçıran şəxs tutuldu - Bakıda

Bakıda tanışının avtomobilini qaçıran şəxs saxlanılıb. Avtosfer.az-ın DİN-in saytına istinadən verdiyi məlumata görə, yanvarın 1-də Nərimanov rayonu ərazisində yaşayan Oleq Litvalıyev 16-cı PB-yə müraciət edərək həmin gün Əli adlı tanışının ona məxsus "Chevrolet" markalı avtomobili evinin qarşısından qaçırmasını bildirib.

Nərimanov rayon 16-cı PB və Əlahiddə Çevik Polis Alayı əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Əli Qurbanov tutulub.