Telefon alarkən diqqətli olun - Yeni fırıldaqlıq - VİDEO

İşlənmiş telefon aldılar, bir müddət sonra işləmədi. Belə bir hadisə Nizami rayonunda fəaliyyət göstərən telefon mağazalarının sahiblərinin başına gəlib. Belə ki,vətəndaşlardan aldıqları işlənmiş telefonları təzədən satdıqdan sonra müştərilər onlara müraciət edərək telefonların işləmədiyini bildirib. Buna səbəb isə telefonların köhnə sahiblərinin qalan kredit borcu olmasıdır. Mağaza sahiblərinin sözlərinə görə, onlar işlənmiş telefon alan zaman sadəcə qarşı tərəfin şəxsiyyət vəsiqəsi ilə alqı-satqı əməliyyatını edirlər. Bu aldıqları telefonun kredit borcunun  olduğunu  müəyyənləşdirmək  isə  mümkün olmur. Kredit  borcuna görə mobil telefonların satışını həyata keçirən şirkətlərin  müraciəti əsasında,  Rabitə və Yüksək Texnologiyalar Nazirliyi tərəfindən belə cihazların  istifadəsi dayandırılır. Müştərilər gətirib belə telefonları  geri qaytardıqlarına görə satıcılar da əmməli-başlı ziyana düşür.

Hüquqşunaslar isə deyir ki, telefonun orcu olduğunu bilərək bunu başqasına satan vətəndaşlar məsuliyyat daşıyırlar. Bu halla qarşılaşan şəxslər hüquq mühafizə orqanlarına və məhkəməyə müraciət edə bilərlər.