Təxliyə üçün nəzərdə tutulmuş 21 avtobusu yandırılıb – Suriyada

Suriyanın paytaxtı Dəməşqdən 320 kilometr məsafədə yerləşən İdlib vilayətində terrorçular təxliyə üçün nəzərdə tutulmuş 21 avtobusu yandırıb.

Avtosfer.az "Report"a istinadən xəbər verir ki, İdlib vilayətinin Əl-Fua və Kefray yaşayış məntəqələrinin silahlıları mülki sakinləri və yaralıları təxliyə etmək üçün nəzərdə tutulmuş nəqliyyat vasitələrini yandırıblar. Avtobuslara hücum Sarmin və Beneş arasındakı şosedə baş tutub.

Qeyd edək ki, bundan əvvəl də Cəbhət Fəth əş-Şam qruplaşmasının üzvləri 7 avtobusu yandırıblar. Bazar günü ərzində bu yaşayış mənqələrindən yaralı hərbçilər və tibbi yardıma ehtiyacı olan mülki sakinlər də daxil olmaqla, 5 min insanın təxliyə edilməsi planlaşdırılırdı.