Təyyarə havada tüstüləyərək ABŞ-a geri qayıdıb
Gündəm
28 Sentyabr 2016 10:46
Oxunub 1188

Göyərtəsində 353 nəfərin olduğu avialayner Seula uçurmuş
Cənubi Koreyanın "Asiana Airlines" aviaşirkətinə məxsus təyyarə baqaj hissəsində tüstülənmə səbəbindən havaya uçduğu Los-Anceles (Kaliforniya ştatı) hava limanına geri qayıdıb.
Avtosfer.az "Report"a istinadən xəbər verir ki, bu barədə çərşənbə axşamı aeroport nümayəndələri məlumat veriblər.
Göyərtəsində 353 nəfərin olduğu avialayner Seul istiqamətində uçurmuş. Təyyarənin baqaj hissəsində tüstünün olmasına dair siqnal daxil olan kimi, heyət üzvləri ehtiyat tədbiri məqsədi ilə Los-Ancelesə qayıtmaq qərarına gəliblər.
Təyyarə hava limanına eniş etməzdən əvvəl bir neçə saat havada olub. Hazırda tüstülənmənin hansı səbəbdən baş verdiyi dəqiqləşdirilir. İnsident nəticəsində xəsarət alan olmayıb.
ŞƏRH YAZ
DİGƏR XƏBƏRLƏR













