Təyyarədə 3 nəfəri yaralayan sərnişin pilotların kabinasına soxulmaq istədi

ABŞ-ın Sietl şəhərindən “Delta Аir Lines” aviaşirkətinin təyyarəsi ilə Pekinə uçan sərnişinlərdən biri göyərtədə 3 nəfəri yaralayaraq, pilotların kabinasına soxulmaq istəyib. Avtosfer.az “Report”a istinadən xəbər verir ki, hadisə “Boeing 767” sərnişin təyyarəsi havaya uçandan sonra olub. Asayişi pozan şəxs tutlub. Baş verən hadisə ilə əlaqədar pilot geri, hava limanına qayıdıb. Məlumata görə, yaralananlardan ikisi sərnişin, bir isə pilotdur. Hadisənin törədən hüquq-mühafizə orqanına təhvil verilib, araşdırma aparılır.