Təyyarəni partladacağı ilə hədələyən şəxs zərərsizləşdirildi

"Enter Air" aviaşirkətinə məxsus Las-Palmas-Varşava marşrutu üzrə hərəkət edən "Boeing 737-800" tipli təyyarəni partladacağı ilə hədələyən Polşa vətəndaşı zərərsizləşdirilib və hava gəmisi Praqada (Çexiya) məcburi eniş etdikdən sonra polis tərəfindən saxlanılıb.

Avtosfer.az "Report"a istinadən xəbər verir ki, bu barədə "Aktuálně" portalı yazıb.

"Polis göyərtəsində 162 sərnişin və 4 heyət üzvünün olduğu təyyarəni partladacağı ilə hədələyən şübhəli şəxsi zərərsizləşdirərək həbs edib. Daxili işlər naziri Milan Xovanetsin məlumatına görə, şübhəli şəxs Polşa vətəndaşıdır və hazırda dindirilir", - deyə məlumatda bildirilir.

Eyni zamanda qeyd olunur ki, bütün sərnişinlər hava gəmisindən sağ-salamat təxliyə olunub və Praqa mehmanxanalarına yerləşdirilib.