Təyyarəyə gecikdiyi üçün polisə yalan məlumat verən sərnişin həbs edildi

Türkiyədə hava limanına gecikdiyi üçün təyyarədə bomba olduğuna dair polisə yalan məlumat ötürən sərnişin 4 il 2 ay müddətinə həbs edilib. Avtosfer.az-ın salamnews-a istinadən verdiyi xəbərə görə, 3 noyabr 2016-cı ildə İstanbul-Diyarbakır reysini həyata keçirməyə hazırlaşan "Türk Hava Yolları" şirkətinə mıxsus təyyarədə bomba olduğuna dair məlumat daxil olub. Xəbərdən sonra hərəkətə keçən polis təyyarədəki  84 sərnişini təxliyyə edib və hava gəmisində axtarış həyata keçirib. İkisaatlıq axtarışdan sonra sərnişinlər başqa bir təyyarə ilə Diyarbakıra göndəriliblər. Təhlükəsizlik qüvvələri polisə zəng edənin M.S.G. adlı şəxs olduğunu müəyyən edib. Polisdə ifadəsi alınan şəxs təyyarəyə gecikdiyi üçün belə bir yalan uydurduğunu etiraf edib. Məhkəmə "Hava nəqliyyat vasitəsinin hərəkət etməsinə mane olmaq” maddəsi üzrə ittiham edilən şəxsin 4 il 2 ay müddətinə azadlıqdan məhrum edilməsinə qərar verib.