Traktorun qoşqusu ustaların üzərinə aşıb, yaralananlar var - Xudatda

Xaçmaz rayonunda bədbəxt hadisə baş verib. Avtosfer.az "Report"a istinadən xəbər verir ki, hadisə Xudat-Nabran avtomobil yolunda, avtomobil təmiri sexində qeydə alınıb. Belə ki, Xudat qəsəbəsi, O.Mirzəyev küçəsi, ev 8 ünvanında yaşayan, 1958-ci il təvəllüdlü Ehtiyat Fərzəli oğlu Məmişov və digər qəsəbə sakini, 1957-ci il təvəllüdlü Hətəmşah Ağababa oğlu Şahverdiyev təmirlə məşğul olarkən traktorun qoşqusu qəflətən açılaraq üstlərinə aşıb. Yaralılar əvvəlcə Xudat Rayon Mərkəzi Xəstəxanasına aparılsalar da, ancaq müalicə üçün Xaçmaz Rayon Mərkəzi Xəstəxanasına göndəriliblər.

Xaçmaz RMX-nın Travmatologiya şöbəsindən "Report"a verilən məlumata görə, zərərçəkmişlərin xəsarətləri yüngül olduğundan ilkin tibbi yardım göstərildikdən sonra ambulator müalicə üçün evə buraxılıblar.

Faktla bağlı araşdırma aparılır.