Türkiyə BTQ dəmir yolunun tikintisini sürətləndirəcək

"Türkiyə ərazisində Bakı-Tbilisi-Qars (BTQ) dəmir yolunun tikintisini sürətləndirəcək".

Avtosfer.az trend-ə istinadən bildirir ki, bunu Türkiyənin nəqliyyat, gəmiçilik və kommunikasiyalar naziri Əhməd Arslan deyib.

Onun sözlərinə görə, bu gün Qars vilayətində BTQ-nin tikintisinin gedişi ilə tanış olacaq: "BTQ-nin tikinti layihəsi Türkiyə və bütün region üçün çox vacibdir".

Nazir qeyd edib ki, dəmir yolunun Gürcüstan hissəsi 2016-cı ilin sonunda başa çatacaq. Bundan sonra yalnız Türkiyədə tikinti işlərini yekunlaşdırmaq qalır.