Türkiyə Gürcüstana yeni avtobuslar hədiyyə edib

Türk Əməkdaşlıq və Koordinasiya Agentliyi (TİKA) və İstanbul Böyük Şəhər Bələdiyyəsi rəhbərliyinin təşkilatçılığı ilə Gürcüstan paytaxtına 5 ədəd avtobus gətirilib. Avtosfer.az xəbər verir ki, bu barədə apa-nın Gürcüstan bürosunun məlumatına görə, paytaxt Tiflisə gətirilən avtobuslar hədiyyə olaraq Tiflis Şəhər Meriyası rəhbərliyinə təqdim edilib. Gürcüstan paytaxtındakı Avropa Meydanında təşkil olunan təqdimetmə tədbirində Türkiyə-Gürcüstan Parlamentlərarası Dostluq Qrupu rəhbərinin köməkçisi Hüseyn Şahin, Türkiyənin Gürcüstandakı səfiri Zeki Levent Gümrükçü, İETT baş müdiri Mürmin Kahveci, Tiflis Şəhər Meriyasının rəhbəri David Narimaniya və TİKA-nın Tiflis koordinatoru Mustafa Qorxmaz iştirak edib.