Türkiyə ordusu bu gəmini arsenalına qəbul etdi - FOTO

Amfibiya tipli “Bayraqtar” gəmisi Türkiyə Hərbi Dəniz Qüvvələrinin ixtiyarına verilib. Avtosfer.az-ın axar.az-a istinadən məlumatına görə, gəminin təhvil verilməsi zamanı çıxış edən Türkiyənin Müdafiə naziri Fikri İşıq bildirib ki, donanmada milli texnoloji yeniliklərin yaradılması baxımından ölkəsi ilk 10-luğa daxildir. Nazir bu hadisədən böyük qürur hissi keçirdiyini də əlavə edib. Xatırladaq ki, 2011-c ildə Türkiyə Milli Müdafə Nazirliyi LST layihəsi çərçivəsində yerli hərbi texnologiya şirkəti HAVELSAN-la müqavilə imzalamışdı. Müqavilədə şirkətin amfibiya tipli gəmilər inşa etməsi nəzərdə tutulur. Qeyd edək ki, gəminin uzunluğu 139, eni 19,6 metr, həcmi isə 7254 tondur.