Türkiyədən Azərbaycana gələn “TIR”-lar yolda qalıb

Güclü qar və yolların buz bağlaması səbəbindən Türkiyədən Azərbaycana və Türkmənistana yük daşıyan çoxlu sayda ağırtonnajlı yük maşını (TIR) Türkiyənin İranla sərhədində, dağlıq bölgədə qalıb. Avtosfer.az virtualaz.org-a istinadən xəbər verir ki, güclü qardan sonra Ağrı-İran və Doğubeyazit-Çaldıran yolları buz bağlayıb. 

Nəticədə Gürbulak sərhəd-keçid məntəqəsindən keçib İran, Türkmənistan və Azərbaycana yük daşıyan çoxlu sayda TIR yolda qalıb. Yük maşınları Ağrı-İran yolunun 20-ci kilometrliyindəki Tendürek keçidində ilişib qalıblar və kilometrlərlə uzunluğunda tıxac yaradıblar. Yolun qar və buzdan təmizlənməsi üçün çoxsaylı texnika cəlb edilib.

Ancaq bu gün daha bir qar fırtınası gözlənilir.