Üç min miqrant boğulmaqdan son anda xilas edildi - VİDEO

Siciliya boğazında Avropaya keçmək istəyən 3 mindən çox miqrant xilas edilib. Bu barədə İtaliya Sahil Mühafizə Xidməti məlumat verib. Qeyd olunur ki, ümumilikdə gün ərzində 22 əməliyyat həyata keçirilib. Avropa İttifaqının missiyası da əməliyyata dəstək verib. Xilas edilən mühacirlərlər Siciliya adasındakı müvəqqəti sığınacaqlara yerləşdirilib. Onların əksəriyyəti Liviya, Somali və Sudan vətəndaşları olub.

Aralarında xeyli sayda qadın və uşaqların da olduğu qrupun tezliklə ölkənin müxtəlif şəhərlərində hazırlanmış düşərgələrə yola salınacağı bildirilib. Bir qrupu isə ölkəsinə geri qaytarılacaq.

İtaliya daxili işlər nazirliyinin məlumatına görə, ötən il Aralıq dənizi vasitəsilə ölkəyə 181 mindən çox miqrant gəlib. Beynəlxalq Miqrasiya təşkilatının hesablamalarına əsasən, bu ilin yanvar və fevral aylarında İtaliyadan Avropaya 11 minə yaxın miqrant keçib.