Uçan “BYD”-dən sonra üzən “BYD” də ortaya çıxdı - VİDEO

Bakıda güclü yağış və külək ciddi fəsadlara səbəb olub. Dünən gecədən etibarən başlayan intensiv yağıntılar şəhərin müxtəlif ərazilərində yollarda suyun yığılması ilə nəticələnib. 

Avtosfer.az xəbər verir ki, nəticədə bir çox küçə və prospektlərdə nəqliyyatın hərəkəti çətinləşib, bəzi istiqamətlərdə isə tamamilə dayanıb.

Sosial şəbəkələrdə yayılan görüntülərdən də məlum olur ki, sürücülər çətinliklərlə üzləşir, bəzi avtomobillər isə tamamilə suyun altında qalıb. Maraqlı məqamlardan biri isə “BYD” markalı avtomobillə bağlıdır. Kadrlarda həmin avtomobilin yağış suları ilə dolu ərazidə sanki bir qayıq kimi üzərək hərəkət etdiyi əks olunub. Avtomobilin bu vəziyyətdə belə yoluna davam etməsi izləyicilər arasında geniş müzakirələrə səbəb olub.

Eltac Zülfüqaroğlu