"Üstümdə 20 milyon avro dəyərində çek yox idi" - Sem Börd
Gündəm
10 Fevral 2016 16:51
Oxunub 1492
"F1-in yerinə Formula E-də yarışıram və burada pul qazanıram”
"Mercedes AMG komandasının keçmiş test pilotu Sem Börd bildirib ki, Formula 1-də yarışmamasının səbəbi pulsuzluq olub. Avtosfer.az "f-1.az" saytına istinadən xəbər verir ki, S.Börd 2010-2014-cü illərdə "Mercedes AMG" komandasında test pilot olub. Britaniyalı sürücü bu müddət ərzində Mixael Şumaxer, Lyuis Hemilton və Niko Rosberqlə işləyib.
Xatırladaq ki, 29 yaşlı sürücü hazırda "Formula E" seriyasında yarışır və "DS Virgin Racing" komandasının şərəfini qoruyur.
S.Börd bildirib ki, onun qəhrəmanı M.Şumaxerdir: “Şumaxer həyatımda gördüyüm ən böyük və ən güclü sürücü idi. Bəxtəvər idim, çünki onunla işləmək şansım oldu. Bu, inanılmaz hiss idi”.
Britaniyalı sürücü Formula 1-də yarışa bilməməsinin səbəbini də deyib: “Formula 1-də niyə yarışa bilmədim? Çünki üstümdə 20 milyon avro dəyərində çek yox idi. F1-in yerinə Formula E-də yarışıram və burada pul qazanıram”.
ŞƏRH YAZ
