“Vasmoy bazar”ın qarşısındakı yeraltı keçid ÖLÜM TƏHLÜKƏSİ YARADIR- VİDEO

Paytaxtın bir sıra küçə və prospektlərində nəqliyyatın infrastrukturunun şəhər yollarına, eləcə də vətəndaşların təhlükəsizliyinə cavab verəcək şəkildə tərtiblənməməsi problemlərə səbəb olur.

Avtosfer.az xəbər verir ki, Bakının Nizami rayonundakı yeraltı keçidin vəziyyəti sakinlərin narazılığına səbəb olub.

Belə ki, rayonun Qara Qarayev prospektində quraşdırılan yeraltı keçidin hüdud divarları alçaq olduğu üçün sakinlərin həyatını təhlükə altına atır.

Ərazinin videosu sosial şəbəkələrdə müzakirələrə səbəb olub. Sakinlər bildirib ki, məhz həmin hissədəki yeraltı keçiddən kimlərinsə yıxılmasına ətrafdakı vətəndaşlar mane olub. Diqqətsiz şəkildə yolda irəliləyənlər hər dəfə hüdud divarı ilə qəfil rastlaşdıqları üçün qorxub geri çəkilir, daha sonra istiqamətlərini dəyişdirirlər.

Vətəndaşın sosial şəbəkədə yaydığı həmin videonu sizə təqdim edirik:

Səfər