Velosipedçi qəzaya düşdükdən 6 ay sonra komadan ayıldı

Mayın sonlarında Belçika turu zamanı ağır qəzadan sonra komaya düşmüş yeri velosipedçi Stiq Bruks yarım ildən sonra özünə gəlib. Avtosfer.az-ın "Report"a istinadən verdiyi məlumata görə, bu barədə 26 yaşlı idmançının həkimi Sirvas Binc açıqlama verib.

O bildirib ki, Bruks artıq sərbəst udqunur və bir neçə söz deyir: "Artıq onun komadan çıxdığını və hətta əzələ kütləsini yığmağa başladığını söyləmək olar. İrəliləyiş var, amma bərpa üçün səylə çalışmaq lazımdır. Çünki zədə çox ciddidir".

Qeyd edək ki, mayın 28-də keçirilmiş Belçika turunun üçüncü mərhələsində iki motosikletçinin günahı üzündən 20 velosipedçi bir-birinin üstünə yıxılıb. Nəticədə Stiq Bruks beyninə qan damma, göz yuvasının sınığı və ağ ciyərin zədələnməsi diaqnozu ilə xəstəxanaya çatdırlıb.