Velosipedçilər sabahdan Bakıya axışacaq  

Sabah Bakının bir çox mərkəzi yolu bağlı olacaq. Avtosfer.az-ın məlumatına görə, "Tour d’Azerbaidjan-2017” may ayının 3-də start götürəcək. Builki yarışda 18 ölkədən 22 komanda mübarizə aparacaq ki, onlardan da 6-sı peşəkar kontinental, "Synergy Baku" da daxil olmaqla 16-sı kontinental kollektivdir.  

İştirakçılar 1-ci mərhələdə Bakı - Sumqayıt (150 km),

2-ci mərhələdə Bakı - İsmayıllı (187 km),

3-cü mərhələdə Qəbələ - Şəki - Qəbələ (177 km),

4-cü mərhələdə Qəbələ - Ağsu - Pirqulu (164 km) və sonuncu mərhələdə Bakı - Abşeron - Bakı (158 km) marşrutu üzrə ümumilikdə 836 km məsafə qət edəcəklər.

Əvvəlki illərdən fərqli olaraq bu il turun 4-cü mərhələsinə Ağsu dolaylarının əlavə edilməsi yarışa olan marağı daha da artırıb.

Tur mayın 7-dək davam edəcək. Heydər Əliyevin anadan olmasının 94-cü ildönümünə həsr olunan 5 günlük yarış əvvəlki illərdə olduğu kimi, bu dəfə də planetin nüfuzlu "Eurosport" kanalı vasitəsilə yayımlanacaq.

Qeyd edək ki, son 2 ildə yarışın komanda hesabında qalibi Azərbaycanın "Synergy Baku" kontinental klubu olub.