Velosipedçimiz Slovakiyada 3-cü oldu

Beynəlxalq Velosipedçilər İttifaqının 2.2 kateqoriyalı Slovakiya Turu ölkəmizin "Synergy Baku" kontinental komandası üçün uğurlu sonluqla başa çatıb. Avtosfer.az xəbər verir ki, bu barədə Azərbaycan Velosiped İdmanı Federasiyasından trend-ə verilən məlumata görə, velosipedçimiz Kiril Pozdnyakov ümumi sıralanmada fəxri kürsünün 3-cü pilləsinə qalxıb.

Yarışın 2-ci mərhələsində finiş xəttini 2-ci keçməklə ümumi təsnifatda 3-cü pilləyə yüksələn K.Pozdnyakov bu mövqeyini sonadək qoruyub və beşgünlük yarışın qalibi, İtaliyanın "Unieuro Wilier" komandasının üzvü Mauro Finettodan cəmi 9 saniyə geri qalıb.

Xatırladaq ki, 23 komandanın çıxış etdiyi yarışda "Synergy Baku" Maksim Averin, Elçin Əsədov, Samir Cəbrayılov, Aleksandr Surutkoviç və K.Pozdnyakovla təmsil olunub.