Vertolyot yoxa çıxdı

Göyərtəsində 5 nəfərin olduğu vertolyot İrlandiya dənizi üzərində radarlardan itib. Hazırda axtarış-xilasetmə işləri aparılır. Avtosfer.az "Report"a istinadən xəbər verir ki, bu barədə "Irish Times" qəzeti yazıb. Böyük Britaniyanın Sahil Mühafizə Xidmətinin məlumatına görə, "Twin Squirrel" tipli şəxsi vertolyot çərşənbə günü Milton-Kins şəhərindən çıxıb və Dublinə istiqamət alıb. O, Uelsin Kaernafon şəhəri yaxınlığındakı körfəz ərazisində yoxa çıxıb.

Bildirilir ki, axtarışlar pis hava şəraiti üzündən çətinləşir.