Vüsal Kərimli avtobus qəzasında xəsarət alanları ziyarət edib - FOTO

Bakı Nəqliyyat Agentliyinin baş direktoru Vüsal Kərimli bu gün 3 saylı Şəhər Klinik Xəstəxanasında iyulun 17-də Suraxanı rayonu Heydər Əliyev prospektində 171 saylı marşrut xətti üzrə xidmət göstərən "Daewoo" markalı avtobus və "Shacman" markalı yük avtomobilinin iştirakı ilə baş verən ağır yol nəqliyyat hadisəsi zamanı xəsarət alanları ziyarət edib. Avtosfer.az-ın məlumatına görə, hadisə zamanı 21 nəfər müxtəlif dərəcəli bədən xəsarəti alıb. Hazırda xəstəxanada müalicəsi davam etdirilən xəstələrin vəziyyəti stabildir. Bakı Nəqliyyat Agentliyi məsələni sona qədər diqqətdə saxlayacaq.

Elmin