Xaçmazda uçan körpünün istismar müddəti başa çatmayıbmış - AÇIQLAMA - VİDEO

Xaçmaz-Xudat yolunun üzərində yerləşən avtomobil körpüsünün uçma səbəbi məlum olub.

Bu barədə Avtosfer.az-a Azərbaycan Avtomobil Yolları Dövlət Agentliyinin (AAYDA) Mətbuat Xidmətinin rəhbəri Anar Nəcəfli məlumat verib.

Bildirilib ki, intensiv yağan yağışlar nəticəsində dayaqların altı boşalıb, çökmə qeydə alınıb:

“Körpü sel suları səbəbindən uçub. İntensiv yağıntılar dayağı yuyub. Nəticədə dayaqların altı boşalıb, çökmə qeydə alınıb. Texniki cəhətdən istismara yararlıdır. İstismar müddəti başa çatmayıb.

Körpü qəzalı vəziyyətdə də olmayıb. Hazırda mütəxəssislər cəlb olunublar. Bərpa istiqamətində işlər başlanılacaq”.