XİN başçısının təyyarəsinin enməsinə icazə verilmədi

Hollandiya hakimiyyəti Türkiyənin xarici işlər naziri Mövlut Çavuşoğlunun təyyarəsinin enməsinə icazə verməyib. Avtosfer.az "azadliqradiosu”na istinadən xəbər verir ki, "Mövlut Çavuşoğlu Rotterdamda Türkiyədə keçiriləcək Konstitusiyaya dəyişikliklərlə bağlı referendumun təbliği mitinqinə qatılmaq istəyirmiş. Potterdam merliyi mitinqin keçirilməsinə təhlükəsizlik baxımından icazə verməyib. Türkiyə prezidenti Recep Tayyib Erdoğan Hollandiyanın hərəkətini şərh edərkən “bunlar nazı qalıqlarıdır” - deyib. O vəd verib ki, Türkiyədə Hollandiyanın təyyarələrinə eyni münasibəti göstərəcək. Türkiyə bu ilin aprelində Konstitusiyaya dəyişikliklərlə bağlı referendum keçirəcək. Tənqidçilər hesab edirlər ki, təklif edilən dəyişikliklər hakimiyyətin bir əldə toplaşmasına səbəb olacaq, bu isə ölkəni avtoritarlaşdıracaq.