Xınalığa 25 sm hündürlüyündə qar yağıb

Ötən gün ölkə ərazisində qeyri-sabit hava şəraiti davam edib, yüksək dağlıq ərazilərdə (Xınalıq, Qırız, Şahdağ) qar yağıb.  APA-nın şimal bürosunun verdiyi məlumata görə, şimal bölgəsində ən çox qar Xınalıq kəndində qeydə alınıb. Burda qarın hündürlüyü 25 sm-ə çatıb. Qubanın mərkəzində 8 sm, Qusarda 5 sm, Xızının Altıağac qəsəbəsində isə 9 sm qar var. Temperatur isə mənfi 3-13 dərəcə arasında dəyişib. Qubanın Qırız kəndində mənfi 13 dərəcə temperatur qeydə alınıb.